Nautnaseggir

matarblogg Önnu Sjafnar og Madda.

Fylltar crépes

Fjölskyldan fór á rölt í Kringlunni í dag. Við kíktum inn á kaffihús þar og hugsaði ég með mér að verðið á crépes á kaffihúsum er svívirðilegt, miðað við efniskostnað. Það stoppar samt ekki „craving“ í crépes svo ég ákvað að kokka þetta upp handa okkur í kvöldmat. Að gera crépes er svolítil handavinna og dundur, en það er vel þess virði. Það kostar sama sem ekkert að elda þetta og innihaldið er eitthvað sem flestir eiga í ísskápnum. Ef ekki þá er bara hægt að setja það sem þið eigið til.

Það er fínt að gera þetta daginn eftir að hafa gert heimatilbúna pizzu, því þá á maður oft niðursneitt grænmeti, pepperóni, skinku, ost og fleira í afgang. Þessi uppskrift sem ég kem með er frekar stór, en við notum þetta í hádegismat daginn eftir.

Það verður að byrja á því að gera deigið, þar sem það þarf að róa sig í ísskápnum í klukkustund.  Uppskriftina af pönnukökunum fann ég á síðu Matarlist, hef notað hana oft áður og finnst vera mjög góð uppskrift.

Crépes

Uppskrift fyrir sex:

2 bollar hveiti
1 1/2 bolli mjólk
1/2 bolli vatn
3 egg
2 msk. sykur
2 msk. smjör, bráðið
Smá salt
1 msk. olía til steikingar

1. Setjið hveitið ofan í stóra skál og búið til holu í miðju hveitisins.

2. Setjið eggin í holuna. Bætið 1 bolla af mjólk ofan í og hrærið í með sleif, farið smám saman í stærri hringi svo að hveitið blandist hægt við vökvann.

3. Bætið afgangnum af mjólkinni út í, ásamt vatninu, sykrinum, smjörinu og saltinu og hrærið þar til allir kekkir eru horfnir. Ef einhverjir kekkir þrjóskast við skal sía deigið svo það verði kekkjalaust. Látið deigið standa í ísskáp í 1 klst.

4. Hitið olíu á pönnu við miðlungshita. Ausið ¼ bolla af deigi á pönnuna, hallið pönnunni í allar áttir svo að deigið dreyfist jafnt yfir alla pönnuna. Steikið crêpes-kökuna þar til brúnirnar lyftast auðveldlega frá pönnunni, í ca. 2 mín. Rennið þá spaða undir kökuna og snúið henni við og steikið þeim megin í ca. 1 mín.

6. Setjið fyllingu að eigin vali í miðju crêpes-kökunnar. Þegar hún er full steikt, brjótið þá til helminga, og svo aftur til helminga. Færið af pönnunni og berið fram.

Fylling

  • 2 dl hrísgrjón (í þessu tilviki voru þetta hýðishrísgrjón)
  • 0.5kg rækjur
  • 10cm púrrulaukur
  • 1 askja sveppir
  • 1 paprika
  • 1dl rifinn ostur
  • Jógúrt karrý sósa
  1. Sjóðið hrísgrjón eftir leiðbeiningum á pakka.
  2. Á meðan hrísgrjónin sjóða saxar maður niður grænmetið og steikir rækjurnar (multitaska!). Þar sem skelfiskur og hvítlaukur fer saman eins og besta vinkonan og hvítvín, þá nota ég uppáhaldskryddið mitt (sjá mynd) sem er þurrkaður hvítlaukur og steinselja.
  3. Þá er að steikja sveppina.
  4. Þegar allt þetta er búið þá er þessu öllu skellt í nógu stóran pott og sósu hellt yfir eftir smekk. Vegna hryllilegrar leti þá nennti ég ekki að búa til heimatilbúna sósu, keypti bara þessa fínu jógúrt karrýsósu út í búð.
  5. Ég gerði frekar littlar pönnukökur, þannig að ég braut þær saman til helminga. En ef þið steikið pönnsunar á stórri steikarpönnu þá er fínt að brjóta þær í þríhyrning.
  6. Sáldrið smá ost yfir áður en þið brjótið saman.
  7. Skellið þessu inn í ofn þangað til osturinn hefur bráðnað og innihaldið hitnað örlítið.
  8. Berið að andliti!

This slideshow requires JavaScript.

Auglýsingar

Færðu inn athugasemd

Please log in using one of these methods to post your comment:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

Information

This entry was posted on 24.3.2013 by in Bakstur, Fiskur.

Leiðarkerfi

%d bloggurum líkar þetta: